topo boklah nin sabado tan domingo no maabig a panaon, ampila-lalako hikami sa liglig nin buwat iti ha mahindog komi. karamilan, andomalan kami ha bakery bi-sa manaliw nin tinapan tan magkapeh, ba-yo mag-orong na bali
ampi-totol kami ni lancer nangon, wanko kona, “ampangan ka duman nin bitokol hin itaw kamo ot ha candelaria?” “iya,” wana. “bilang soso a matibokol. ibati mi hila yapo ha lanom pigaw manaka hila, ba-yo lotoon.”
hin makalog kami ha malimanga, ampangan kamin bitokol nin ankakwa ha loong. anlotoon ni nanay ha gata no main gata. anka-tandaan ko no mangan kami, gamot bongat anggamiton tan homin kotsara. magana kamin mangan nin ginataan bitokol yay kona.
yataw bongat, kay kami na naka-kan bitokol paibat hin inomalih kami ha candelaria.
yay nalngo ko hin minghan nakapag-orong ha candelaria, bilang lawah main tawtawon namigwa nin laloman variety nin bitokol ha loong, mangahi-ban kano kanya na-displace hila taw mangakalog a native variety. kay ko tanda no potog wari yadti. bilang lawah kayla labay kanon yadtaw mangahiban a bitokol.
bilang nayari anay summer iti ha japan ta nagapas a nay pali. mahindog a nay naman yay autumn.
ampastangon koy bawbilbi ko iti, “anyay summer ha sambali?” kayla kano tanda^^
wani tatay hin pinastang ko ya: “wanan yadtaw hi papo tibor ‘kuaresma’” kano. kot bilang lawah ambo summer yay labay totolon nin “kuwaresma.” bilang mairap mi-pol nin homin tamon halita ha sambali para ha summer.
boklah nin domingo. pamakayari nin asay linggon homin togon a abagat, ampilalalakoy naman iti ha palibol
autumn ana iti komi, kot ambo ot malayop yay awawlo tan homin ot maholyaw tan matibya bolong ha pawpoonkayo
nako kami ha mol nangon ta biniliw mi yay bayong pelikula Odyssey bana ta “god-tier” kano wanan asay review. yay potog nasayang bongat a oras tan kwarta ko bisa hinomakit ot a olo ko bana ha camera shots tan masyadon makhaw a sound ha lalo nin sinehan. anodti na doman yay pawpelikula hawanin?
hin makalog ako labay-labay kon basahon yay libron “Greek Mythology” ni Edith Hamilton. bayo, yay unan pelikulan nakit ko ay hataw “Clash of the Titans” hin 1981. ankatandaan ko ot sobra kon nakangap no pano hila nakagwa nin anodtaw nagandan pelikula
balo ta talagan homin akon nakit maganda iti ha bayon “Odyssey”. magbalik ako tana lawo ha pamiliw nin pawpelikulan black and white nin pirmi kong ambilyon iti ha bali
